The Sun: Жеррард ирэх улирлаас Ливерпүүлийн туслах дасгалжуулагчаар ажиллана

Ливерпүүл клубын домогт ахлагч Стивен Жеррард энэ улирлыг дуусгаад Лос-Анжелес Гэлаксиг орхин төрөлх багтаа ирнэ хэмээн The Sun мэдээллээ.

Эх сурвалжид өгүүлснээр Стиви Жи туслах дасгалжуулагчийн хувиар Ливерпүүлд эргэн нэгдэх гэнэ.

Мерсисайдын багийн дасгалжуулагч Юрген Клоппын хувьд нөхцөл байдал ингэж өрнөвөл маш их баяртай байх болно гэдгээ илэрхийлсэн бөгөөд түүний үзэж байгаагаар Жеррардын эргэн ирэлт багийн дотоод уур амьсгал, тамирчдын өөртөө итгэх итгэлд сайнаар нөлөөлөх ажээ.

Дашрамд сонирхуулахад Жеррард MLS-д 2015 оны зун очсон бөгөөд Лос-Анжелес Гэлакси багтай 18 сарын гэрээ байгуулсан юм байна.

Манай мэдээг цаг алдалгүй уншихыг хүсвэл манай facebook хуудсыг LIKE дарна уу. Баярлалаа