Евро-2016 тэмцээний 1/8 шигшээгийн сүүлийн тоглолт зохион байгуулагч орон Франц болон Исландын шигшээ багуудын хооронд явагдаж талбайн эздийн итгэл төгс ялалтаар өндөрлөлөө.

Тоглолтын 12 дахь минутанд Оливье Жиру гоолын салхийг хагалсан бөгөөд 1-р үе дундаа ороход Поль Погба гоолдож тооны харьцаа 2:0 болсон байлаа.

1-р үеийн сүүлийн 3 минутанд Францчууд ахин 2 ч бөмбөг оруулж амжсан бөгөөд энэ удаа онооны самбарт Димитри Пайет, Антуан Гризманн нар нэрээ бичүүлжээ.

Харин тоглолтын 56 дахь минутанд Колбейн Сигторссон нэр төрийн гоол оруулсан ч энэ нь удаан үргэлжилсэнгүй үүнээс ердөө 3-хан минутын дараа Жиру 2 дахь бөмбөгөө хийсэн байна.

Тоглолтын үндсэн цагийн төгсгөлд Биркир Бьярнасон Исландчуудын 2 дахь гоолыг оруулснаар тоглолт 5:2-ийн харьцаатай Францын багийн ялалтаар өндөрлөжээ.

Ялалт байгуулсан Францчууд хагас шигшээд Германы багтай 7 сарын 7-нд тоглоно.

Манай мэдээг цаг алдалгүй уншихыг хүсвэл манай facebook хуудсыг LIKE дарна уу. Баярлалаа

07.04

2016

Нийтэлсэн: Энхтайван

Уншсан тоо: 1900

Ангилал: Хөл бөмбөг , Евро 2016 , Онцлох мэдээ